UIRENU.OKIS.RU

Жаңа мәлімет

2011-10-27

Қатеріңізде болсын. Жақында сайт жаңа мәліметтермен толығады.

Өзің жаса

2010-02-07

Бұл жерге қажетті мәліметтерді енгізе алмадым. Маған әлі көп нәрсені үйрену керек екен.

Жұмбақтар

2008-04-27

Жұмбақтар

Көзге ілінбейді,
Жұтсаң білінбейді.
(Ауа)

Қолы жоқ, сурет салады,

Тісі жоқ, тістеп алады.

(Аяз)

Әшейінде жекесің,

Қарай қалсаң екеусің.

(Айна)

Кезікті бір жануар,

Үстінде екі тауы бар.

(Түйе)

Көлбең-көлбең етеді,

Жер түбіне жетеді.

(Түтін)

Тастамайды бір елі,

Үйін сүйреп жүреді.

(Тасбақа)

Жеке өзін жей алмайсың,

Онсыз асты аузыңа салмайсың

(Тұз)

Телеграф бағаны деп қаласың,

Насосқа ұқсастығын табасың.

(Т)

Фотосуреттер

2008-04-12

Фотодүние

Сайтқа "фотогалерея"- деген ортақ атпен бірнеше фотоальбом жасалынды.

Жаңылтпаштар

2008-04-12

ӘЛІПБИ

А-Я

Жаңылтпаштар

Арқада алты арқар бар,

Қырқада қырық арқар бар.

Қырық арқарда ақ арқар бар.

Алты арқарда марқа арқар бар.

Әбдіреде әбігер әтеш отыр.

Әбігер әтеш отырған

Әбдірені әжем ашып жатыр.

Бала бал арасын қуалады,

Бал арасы баланы қуалады.

Мұзафар Әлімбаев.

Вова Васяның вагон ойыншығын алып,

Васяға вагон ойыншығын Вова бермеді.

Гүлім гүлге қарап

күлімдеді,

Көгілдір гүлге қонған

аралар гуілдеді.

Ғарышкер ұшты ғарышқа.

Ғарышқа ұшты ғарышкер.

Айтшы, ғарыш алыс па?

Доп деп,

Дөп теп.

Ескекті ескекші еседі,

Ескекші ескекті еседі.

Мұзафар Әлімбаев.

Щётканы Сёма сатып алды.

Серёжа мен Лёва оны

тартып алды.

Жаға жай,

Жағажайда -

Қамажай.

Зура зурнада ойнайды,

Зурнада бір ғана Зура

ойнайды деме,

Зара да, Зере де зурнада

ойнайды.

Мұзафар Әлімбаев.

Инелік илеуде иленбейді.

Итбалық итмұрынды

иіскемейді.

Пай-пай-пай,

Жайылып жүр тай.

Ай-ай-ай,

Ұшып кетті торғай.

Хан баласы ханзада

Болды ғашық ханшаға.

Алып ханнан хабар,

Ханшайымж\ды табар.

Қаһарлы айдаһар

Шаһарға келіп,

Қаһарланар.

Циркте ойнар аюды

Циркаш десем, күлесің.

"Ц" әріпінен басталған

Цемент сөзін білесің.

Сатып алды чемпион чемодан.

Чемодан алған чемпион чек алған.

Шынтемір

Шықпен шыланған шөпке

Шыңдалған шалғысын

шық еткізді.

Мұзафар Әлімбаев.

Ащы жеген Тазша баланың

аузы ашыды,

Тазша бала тұщы сумен

аузын шайды.

Съезд, разъезд, подъезд.

Подъезд, съезд, разъезд.

Жаттап ал тез.

Ықылас пен Ыбырай

Ыдыстарын тасымай,

Ырыскүлден үлгі алмай,

Ынтасыз жүр тілді алмай.

Үш кіші ішік піштім,

Бес кіші ішік піштім,

Неше кіші ішік піштім?

Іске тіл ілесе алады,

Тілге іс ілесе алмайды.

Мұзафар Әлімбаев.

Сұрап Мұрат

Коньки тап.

Байлап майлап,

Аттай шап.

Электр шамы жанады,

Этаждар жымың қағады.

Электр жарық бермесе,

Экран сөніп қалады.

Юра Юля ойшылы,

Юла Юляның ойыншығы.

Ян-ян-ян

Жүгіріп жүр қоян.

Ян-ян-ян

Бұл қоян емес, шаян!

Тақпақтар

2008-04-11

Тақпақтар:

Айгөлек

1. Айгөлек ау айгөлек

Айдың жүзі дөңгелек

Айдай толған кезімде

Би билеймін дөңгелеп

2.Айгөлек ау айгөлек

Айдың жүзі дөңгелек

Күндей нұрлы шағымда

Күнге жетем өрмелеп

халық өлеңі.

Кішкентай

Біз кішкентай балдырған

Сескенбейміз жаңбырдан

Төбемізде қол шатыр

Алдымызда жол жатыр

Мүзафар Әлімбаев

Күсшік, мысық, балапан,

Қуыршағым - балақан.

Кәне, бәрің тұрыңдар,

Ойын-сауыө құрыңдар.

Е.Өтетілеуұлы.

Бақа, Бақа

-Бақа, бақа, балпақ,

Басың неге жалпақ?

-Темір телпек көп киіп,

Басым содан жалпақ.

-Бақа, бақа, балпақ,

Көзің неге тостақ?

-Қырдан алыс көп қарап,

Көзім содан тостақ

-Бақа, бақа, балпақ,

Бұтың неге талтақ?

-Көп отардым ерініп,

Бұтым содан талтақ.

Халық өлеңі.

Ойыншықтарым көп менің.

Түймемді өзім қадаймын.

Жуып жеймін үнемі,

Алма, алмұрт, шиені,

Суды жақсы көремін,

Қашанда таза жүремін.

Қ. Байғабылова.

Бес саусақ

Бас бармағым - атам, үйдің данасы.

Балаң үйрек - әжем, ошақ анасы.

Ортан терек - әкем, отау панасы.

Шылдыр шүмек - шешем, шаңырақ ажары.

Титтей - бөбек - мен, бәрінің базары.

Апта

Жеті күнім- бір Апта:

Жету үшін мұратқа,

Апта бойы құр жатпай,

Алға қарай бір атта!

Бауырсақ

Нәйім-нәйім баырсақ.

Ағын суға шомылсақ.

Жағасында гүл теріп,

Көбелектей жүгірсек.

Аю

Аю отыр партада,

Екі қолы қалтада.

А-дейді, Б-дейді.

Р-ға тілі келмейді.

Қоян

Қоян, қоян тұршы.

Беті қалыңды жушы.

Шашыңды тарашы,

Айнаға қарашы.

Санамақ

Бір-дегенім, білеу.

Екі - дегенім, егеу.

Үш - дегенім, үскіл.

Төрт - дегенім төсек.

Бес - дегенім бесік.

Алты - дегенім, асық.

Жеті - дегенім, желке.

Сегіз - дегенім серке.

Тоғыз - дегенім торқа.

Он дегенім - оймақ.

Он бір- қара жұмбақ.